Муассисаи давалатии “Маркази ёрии ҳуқуқӣ”-и Вазорати адлияи Ҷумҳурии Тоҷикистон ҷиҳати иҷрои банди 9 нақшаи чорабиниҳои Вазорати адлияи Ҷумҳурии Тоҷикистон бахшида ба “Соли маърифати ҳуқуқӣ” эълон намудани соли 2024 бо иштироки нотариюси давлатӣ, ҳуқуқшиноси давлатӣ дар ноҳияи Ҷайҳун, ёрдамчиёни ҷамъиятӣ ва фаъолони ҷомеаи шаҳрвандии ноҳияи мазкур ва намояндагони воситаи ахбори омма - телевизиони “Илм ва табиат” ҷаласа баргузор намуд.
Ҷаласаи мазкурро ҳуқуқшиноси давлатӣ оғоз намуда суханро ба Бобозода Фаридун Сайфидин мудири бахши ташкили ёрии ҳуқуқии якумдараҷаи Муассисаи давлатии “Маркази ёрии ҳуқуқӣ”-и Вазорати адлияи Ҷумҳурии Тоҷикистон дод. Бобозода Фаридун доир ба нуқтаҳои асосии паёми Президенти Ҷумҳурии Тоҷикистон “Дар бораи самтҳои асосии сиёсати дохилӣ ва хориҷии ҷумҳурӣ” ба Маҷлиси Олии Ҷумҳурии Тоҷикистон, ки 28 декабри соли 2023-юм ироа гардид, муфассал суҳбат намуда, моҳият ва муҳимияти нуқтаҳои асосии паёми Президенти Ҷумҳурии Тоҷикистонро дар самти пешгирии гаравидани ҷавонон ба ҳизбу ҳаракатҳои ифротӣ ва баланд бардоштани маърифати ҳуқуқӣ ва дар ин замина баланд бардоштани маърифати экологии мардуми Тоҷикистон изҳори ақида намуд. “Таъкид карда шуд, ки бо талошҳои пайвастаи сарвари давлат миллати тоҷик дар ҷаҳон ҳамчун миллати бофарҳанг, соҳибтамаддун, созандаву ободкор ва ташаббускор шинохта шудааст. Имруз моро зарур аст, ки кирдору рафтори фарзандонамонро пайваста назорат намуда, нагузорем, ки аъзоёни гуруҳҳои тундрав аз хориҷ тариқи шабакаҳои иҷтимоӣ ақидаи фарзандони моро дигар кунанд, онҳоро ба кори ношоистаи ғайриинсонӣ ҷалб намоянд. Мо бояд дар ин вазъиятӣ пуртазод зираку ҳушёр бошем ва ваҳдату сулҳу оромиамонро нигоҳ дорем дар иҷрои ин кор ҳар як сокини мамлакат бояд бетараф набошад.” Ҳамзамон вобаста ба низоми нави ёрии ҳуқуқӣ дар сохтори Вазорати адлияи Ҷумҳурии Тоҷикистон ва муҳтавои Қонуни Ҷумҳурии Тоҷикистон “Дар бораи ёрии ҳуқуқӣ” ва Қонуни Ҷумҳурии Тоҷикистон “Дар бораи масъулияти падару модар дар таълуму тарбияи фарзанд” баромад намуд.