26-уми апрели соли 2024-ум Муассисаи давалатии “Маркази ёрии ҳуқуқӣ”-и Вазорати адлияи Ҷумҳурии Тоҷикистон ҷиҳати иҷрои банди 9 нақшаи чорабиниҳои Вазорати адлияи Ҷумҳурии Тоҷикистон бахшида ба “Соли маърифати ҳуқуқӣ” эълон намудани соли 2024 бо иштироки кормандони сабти асноди ҳолати шаҳрвандӣ, ҳуқуқшиноси давлатӣ дар шаҳри Левакант, ёрдамчиёни ҷамъиятӣ ва фаъолони ҷомеаи шаҳрвандии шаҳри Левекант ҷаласа баргузор намуд.
Ҷаласаи мазкурро иҷрокунандаи вазифаи директори Муассисаи давлатии “Маркази ёрии ҳуқуқӣ”- Раҳим Зафар Ҳаким оғоз намуда, доир ба нуқтаҳои асосии паёми Президенти Ҷумҳурии Тоҷикистон “Дар бораи самтҳои асосии сиёсати дохилӣ ва хориҷии ҷумҳурӣ” ба Маҷлиси Олии Ҷумҳурии Тоҷикистон, ки 28 декабри соли 2023-юм ироа гардид, муфассал суҳбат намуда, моҳият ва муҳимияти нуқтаҳои асосии паёми Президенти Ҷумҳурии Тоҷикистонро дар самти пешгирии гаравадинаи ҷавонон ба ҳизбу ҳаракатҳои ифротӣ ва баланд бардоштани маърифати ҳуқуқӣ ва дар ин замина баланд бардоштани маърифати экологии мардуми Тоҷикистон изҳори ақида намуд. “Таъкид карда шуд, ки бо талошҳои пайвастаи сарвари давлат миллати тоҷик дар ҷаҳон ҳамчун миллати бофарҳанг, соҳибтамаддун, созандаву ободкор ва ташаббускор шинохта шудааст. Имруз моро зарур аст, ки кирдору рафтори фарзандонамонро пайваста назорат намуда, нагузорем, ки аъзоёни гуруҳҳои тундрав аз хориҷ тариқи шабакаҳои иҷтимоӣ ақидаи фарзандони моро дигар кунанд, онҳоро ба кори ношоистаи ғайриинсонӣ ҷалб намоянд. Мо бояд дар ин вазъиятӣ пуртазод зираку ҳушёр бошем ва ваҳдату сулҳу оромиамонро нигоҳ дорем дар иҷрои ин кор ҳар як сокини мамлакат бояд бетараф набошад.” Ҳамзамон вобаста ба низоми нави ёрии ҳуқуқӣ дар сохтори Вазорати адлияи Ҷумҳурии Тоҷикистон ва муҳтавои Қонуни Ҷумҳурии Тоҷикистон “Дар бораи ёрии ҳуқуқӣ” баромад намуд. Дар тақвияти мавзӯҳои болозикр намояндаи Ҳизби халқии демократӣ дар шаҳри Левакант низ баромад намуд.
Мудири бахши ташкили ёрии ҳуқуқии якумдараҷа – Бобозода Фаридун Сайфидин ва Ҳуқуқшиноси давлатӣ дар шаҳри Левакант – Одиназода Муҳаммадҷон вобаста ба тақвияти ҳамкории ёрдамчиёни ҷамъиятӣ ҷиҳати расонидани ёрии ҳуқуқӣ ба шаҳрвандон тибқи Қонуни Ҷумҳурии Тоҷикистон “Дар бораи ёрии ҳуқуқӣ” ва “Дастурамал оид ба кор бо ёрдамчиёни ҷамъиятӣ” баромад намуданд. Дар ҷаласа аз ҷониби иштирокчиён барои беҳтар намудани ҳамкорӣ дархосту пешниҳодҳо манзур карда шуда дар доираи мушкилиҳои ҳуқуқӣ мубодилаи афкор сурат гирифт.
